ഞാൻ വെറും പോഴൻ

My photo

മിക്കവാറും എല്ലാ മതങ്ങളും പറയുന്നു, ദൈവത്തെപ്പോലെയാവാന്‍. എന്നാല്‍ ഞാന്‍ നല്ലൊരു മനുഷ്യന്‍ പോലും അല്ല..
ആര്‍ക്കെങ്കിലും ഞാനൊരു നല്ല മനുഷ്യനായി തോന്നിയാല്‍ അത് അവരുടെ മാത്രം കാഴ്ചപ്പാടാണ്. അതിനു ഞാന്‍ ഉത്തരവാദിയല്ല.....

Friday, 3 August 2018

ബിഷപ്പ് ഫ്രാങ്കോയും ദിലീപും; ചില ചോദ്യങ്ങൾ മാത്രം !!!


ബിഷപ്പ് ഫ്രാങ്കോ മുളക്കലിന്റെ കേസും ദിലീപിന്റെ കേസും ഓരോ സ്ത്രീകൾ പീഡിപ്പിക്കപ്പെട്ട കേസ് ആയിരുന്നില്ലേ ?

ബിഷപ്പിന്റെ നേരെയുള്ള കേസ് ബലാൽസംഗത്തിനും ദിലീപിന് നേരെയുള്ളത് ഒരു ലൈംഗികപീഡനക്കേസിലെ ഗൂഢാലോചയ്ക്കും ആണ്; ബിഷപ്പിനെതിരെയുള്ള കേസിൽ ഏതെങ്കിലും ലഘുത്വം ഉണ്ടോ ?

രണ്ടിലും ഇരയുടെ പരാതിയും മൊഴിയും സെക്ഷൻ 164 സ്റ്റേറ്റ് മെന്റും വൈദ്യപരിശോധനയിലെ തെളിവുകളും മറ്റ് ഇലക്ട്രോണിക്ക് തെളിവുകളും മാത്രമല്ലെ ഉണ്ടായിരുന്നുള്ളൂ ?

മുളക്കലിന്റെ കേസിൽ നിന്ന് കൂടുതലായി എന്ത് തെളിവുകളായിരുന്നു ദിലീപിന്റെ കേസിൽ ഉണ്ടായിരുന്നത് ?

ദിലീപ് അകത്തു പോയതും ഫ്രാങ്കോ ചോദ്യം ചെയ്യപ്പെടുക പോലും ചെയ്യാതെ സ്വതന്ത്രനായി നടക്കുന്നതും ഈ രാജ്യത്തെ ഒരേ നിയമസംവിധാനത്തിന്റെ കീഴിലല്ലേ ?

ദിലീപ് എന്ന സെലിബ്രിറ്റി പൗരനേക്കാൾ ഒരു ബിഷപ്പിന് എന്തെങ്കിലും പ്രത്യേക നിയമ പരിരക്ഷ ഉണ്ടോ ?

ഒത്തുതീർപ്പിനും കേസ് രാജിയാക്കലിനും വഴിവയ്ക്കാവുന്ന ഇഴച്ചിൽ എന്തിനാണ് ഈ കേസന്വേഷണത്തിൽ ?

ബിഷപ്പ് കേസിൽ ഒത്തുതീർപ്പിന് ശ്രമിച്ച വൈദികനെതിരെ കേസെടുത്തിട്ടും കുറ്റകൃത്യത്തിൽ ആരോപിതനായ ബിഷപ്പിനെതിരെ കേസെടുക്കാത്തതെന്താണ് ?

കേസെടുക്കുന്നത് പോയിട്ട് ബിഷപ്പിനെ ഫോണിൽ പോലും വിളിച്ചൊന്ന് ചോദ്യം ചെയ്യാൻ പോലും കേരളാ പോലീസിനും അതിനെ നയിക്കുന്ന മുഖ്യമന്ത്രിയ്ക്കും ധൈര്യം വരാത്തത് ? 

ദിലീപിന്റെ കേസിൽ നേരിട്ടന്വേഷണം നടത്തിയിരുന്ന മുന്തിയ പോലീസേമാന്മാരൊന്നും ഫ്രാങ്കോയുടെ കേസിൽ Available അല്ലെ ?

പേരുദോഷം കേൾപ്പിക്കാതെ ഇത് വരെ തൊഴിലെടുത്ത പാവം വൈക്കം DySP-യെ ഈ കേസന്വേഷണം ഏൽപ്പിച്ച് ബലിയാടാക്കുകയല്ലേ ?

ബിഷപ്പിനെ അറസ്റ്റ് ചെയ്യുന്നതിന് മുൻപ് സാമൂഹിക പ്രത്യാഘാതങ്ങൾ പരിശോധിക്കേണ്ടതുണ്ടെന്ന് സംസ്ഥാന പോലീസ് മേധാവി ഏതാനും ദിവസങ്ങൾ മുൻപ് പറഞ്ഞതിന്റെ പ്രായോഗികപരീക്ഷണമല്ലേ ഇപ്പോൾ നടക്കുന്നത് ?

പ്രതിയായ/ആരോപിതനായ ബിഷപ്പ് ഇങ്ങോട്ട് വന്ന് എന്നെ ഒന്ന് അറസ്റ്റ് ചെയ്യൂ എന്ന് "സരോജ്‌കുമാർ" സ്റ്റൈലിൽ പറഞ്ഞാലേ കേരളാ പോലീസ് അറസ്റ്റ് ചെയ്യൂ എന്നുണ്ടോ ?

ഞാൻ നിരന്തരം പീഡിപ്പിക്കപ്പെട്ടു എന്ന് ഉറച്ച ശബ്ദത്തിൽ തെളിവുകളോടെ ഒരു സ്ത്രീ വിളിച്ചു പറഞ്ഞിട്ട് ഇവിടെ ജീവിക്കുന്ന സാംസ്കാരികബുദ്ധിജീവികളും വനിതാ ശാക്തീകരണ പ്രവർത്തകരും എന്തെങ്കിലും രീതിയിൽ പ്രതികരിച്ചോ ?

ഭരണപക്ഷമോ പ്രതിപക്ഷമോ ഇത് രണ്ടുമല്ലാത്ത മറ്റ് പാർട്ടികളോ ഒരക്ഷരം ഇക്കാര്യത്തിൽ മിണ്ടിയോ ?

നിയമത്തിന് മുന്നിൽ എല്ലാവരും സമന്മാരാണെന്നാണ് സ്‌കൂളിൽ പഠിച്ചിട്ടുള്ളത്; അതിന് ഈയിടെ ഭേദഗതി വല്ലതും വരുത്തിയിട്ടുണ്ടോ ?

സാമൂഹ്യ നീതിയും പൗര സമത്വവും ക്രിമിനൽ കേസും കസ്റ്റഡിയും ചോദ്യം ചെയ്യലും ജയിലും ഒക്കെ, റേഷനരിയും ഗ്യാസ് സബ്‌സിഡിയും പോലെ ചില പൗരന്മാർക്ക് വേണ്ടി മാത്രമുള്ളതാണോ ? 


ആ കന്യാസ്ത്രീ മറ്റൊരഭയ ആകാതെ ഇപ്പോഴും ജീവിച്ചിരിക്കുന്നത് ഭാഗ്യം; ഭാവിയിലും അവർ സുരക്ഷിതയായിരിക്കട്ടെ എന്ന് പ്രത്യാശിക്കാം ...


ഈ ബ്ലോഗിലെ പുതിയ പോസ്റ്റുകള്‍ ലഭിക്കാന്‍ താഴെയുള്ള ലിങ്കില്‍ ക്ലിക്ക് ചെയ്തിട്ടു ആ ഫേസ്‌ബുക്ക് പേജ് ലൈക്‌ ചെയ്യുക

https://www.facebook.com/achayatharangal.blogspot.in


അല്ലെങ്കില്‍ 
 താഴെയുള്ള ലിങ്കില്‍ ക്ലിക്ക് ചെയ്തിട്ടു ആ ഫേസ്‌ബുക്ക് ഗ്രൂപ്പില്‍ ജോയിന്‍ ചെയ്യുക

6 comments:

  1. ദിലീപ് എത്രാം നാളാണ് അറസ്റ്റിലായത്?

    ReplyDelete
    Replies
    1. എനിക്കറിയില്ല; ഇനി ആ Period കഴിയാൻ കാത്തിരിക്കുകയായിരിക്കും !!!!

      Delete
  2. മുളയ്ക്കല്‍ ഫ്രാങ്കോയെ ഒന്ന്‍ നോക്കാന്‍ പോലും പിഞ്ഞാണത്തിന്റെ കാക്കിയ്ക്ക് കഴിയില്ല.വോട്ടുബാങ്ക് തന്നെ കാരണം.

    ReplyDelete
  3. ദിലീപേട്ടനെതിരെ ഇരയുടെ മൊഴി ഉണ്ടായിരുന്നില്ല .. നേരിട്ടുള്ള തെളിവുകൾ ഇല്ല..മാത്രമല്ല നേരിട്ട് പീഡനം നടത്തിയ ആളുമല്ല.. ഒരു ക്രിമിനൽ ന്റെ കത്തും അയാളുടെ മൊഴിയും ശക്തമായ തെളിവ് എന്ന് പറഞ്ഞു അറസ്റ് ചെയ്തു.. സംഭവശേഷം 5മാസങ്ങൾക്കു ശേഷമാണ് അറസ്റ് എന്നിട്ടും സാക്ഷികളെ സ്വാധീനിക്കും എന്ന് പറഞ്ഞ് ഓരോ ജാമ്യാപേക്ഷയും എതിർത്തു ...തെളിവുകൾ നശിപ്പിക്കാൻ ആയിരുനെങ്കിൽ പുറത്തുണ്ടായിരുന്ന 5 മാസങ്ങൾ മതിയായിരുന്നു അല്ലോ ..എന്നിട്ടും 85 days ആ മനുഷ്യനെ ജയിലിൽ കിടത്തി .. ബിഷപ്പിനെതിരെ ഇതെല്ലാം ഉണ്ടായിട്ടും അറസ്റ് ചെയ്യുന്നില്ല എന്ന് മാത്രമല്ല അതിലെ ഇരയെ അപവാദം പറയാനും സ്വാധീനിക്കുവാനും പലരും ശ്രമിക്കുന്നു... നടിയെ ആക്രമിച്ച കേസിൽ അതിലെ പ്രതിയെ സ്വമേധയാ കീഴടങ്ങാൻ കോടതിയിൽ വന്നപ്പോൾ ബലപ്രയോഗം നടത്തി അറസ്റ് ചെയ്ത പോലീസ് ആണ്‌ ഒരു ഫോൺ call പോലും ചെയ്യാതെ ബിഷപ്പിനെ സംരക്ഷിക്കുന്നത് 😏😏😏

    ReplyDelete